Mukhya Samachar
National

ઇતિહાસમાં પહેલીવાર સૌથી વધુ ભારતીય વિદ્યાર્થીઓને અમેરિકાએ વિઝા આપ્યા! આંકડો 82000ને પાર

For the first time in history, America gave visas to the most Indian students! The figure crossed 82000

અમેરિકાએ આ વર્ષે વિશ્વમાં સૌથી વધુ ભારતીય વિદ્યાર્થીઓને વિઝા આપ્યા છે. અમેરિકામાં ભણવા માટે યુએસ સ્ટુડન્ટ વિઝા મેળવનારાઓમાં ભારતીય વિદ્યાર્થીઓએ ચીનને પણ પાછળ છોડી દીધું છે, જે અત્યાર સુધી આ મામલે નંબર 1 હતું. જો સંખ્યાની વાત કરીએ તો વર્ષ 2022માં યુએસએ ભારતીય વિદ્યાર્થીઓને 82 હજાર યુએસ વિઝા આપ્યા છે. આ સંખ્યા ઇતિહાસમાં અત્યાર સુધીની સૌથી વધુ છે.
ભારતમાં યુએસ એમ્બેસી દ્વારા જાહેર કરવામાં આવેલા નિવેદનમાં કહેવામાં આવ્યું છે કે નવી દિલ્હી, ચેન્નાઈ, હૈદરાબાદ, કોલકાતા અને મુંબઈમાં યુએસ એમ્બેસીની પ્રાથમિકતા ભારતીય વિદ્યાર્થીઓને વિઝા આપવાની હતી. આ દર્શાવે છે કે આજે પણ મોટાભાગના ભારતીય પરિવારો માટે ઉચ્ચ શિક્ષણની દ્રષ્ટિએ અમેરિકા નંબર 1 દેશ છે.
ભારતમાં સૌથી વરિષ્ઠ અમેરિકન રાજદ્વારી પેટ્રિશિયા લાસિનાએ કહ્યું કે, અમે આ ઉનાળામાં જ 82,000 ભારતીય વિદ્યાર્થીઓને યુએસના વિઝા આપ્યા છે. આ પહેલા ક્યારેય ભારતીય વિદ્યાર્થીઓને આટલી મોટી સંખ્યામાં યુએસ વિઝા આપવામાં આવ્યા નહોતા. આ દર્શાવે છે કે, આજે પણ મોટાભાગના ભારતીય પરિવારો માટે ઉચ્ચ શિક્ષણની દ્રષ્ટિએ અમેરિકા નંબર 1 દેશ છે.

For the first time in history, America gave visas to the most Indian students! The figure crossed 82000

આ સાથે તેમણે ઉમેર્યું હતું કે, આ બાબતો ભારતીય વિદ્યાર્થીઓના મહત્વપૂર્ણ યોગદાનને પણ પ્રકાશિત કરે છે. યોગદાન જે બંને દેશોને લાભ આપે છે, કારણ કે આ વિદ્યાર્થીઓ તેમના અમેરિકન ભાગીદારો સાથે આજીવન સંબંધો બાંધે છે. આ આંતરરાષ્ટ્રીય ભાગીદારીને જાળવવામાં અને સુધારવામાં મદદ કરે છે. લાસિનાએ કહ્યું, “અમે એ જોઈને ખુશ છીએ કે આટલા બધા વિદ્યાર્થીઓને વિઝા મળ્યા અને બાળકો સમયસર પોતપોતાની યુનિવર્સિટીમાં પહોંચી શક્યા. પાછલા વર્ષોમાં, કોવિડ 19 રોગચાળાને કારણે ઘણો વિલંબ થયો છે.
કોન્સ્યુલર અફેર્સ મિનિસ્ટર કાઉન્સેલર ડોન હેફલિને જણાવ્યું હતું કે ‘આંતરરાષ્ટ્રીય વિદ્યાર્થીઓની હિલચાલ અમેરિકન મુત્સદ્દીગીરીમાં કેન્દ્રિય છે. આમાં ભારતીય વિદ્યાર્થીઓ જેટલું યોગદાન બીજા કોઈનું નથી. જે આંતરરાષ્ટ્રીય વિદ્યાર્થીઓ અમેરિકા આવે છે, તેમાંથી 20 ટકા ભારતીય વિદ્યાર્થીઓ જ છે. ગયા વર્ષે, ઓપન ડોર્સના એક અહેવાલમાં કહેવામાં આવ્યું હતું કે, શૈક્ષણિક વર્ષ 2020-21 દરમ્યાન ભારતથી યુએસ જનારા વિદ્યાર્થીઓની સંખ્યા 1,67,582 હતી.

Related posts

દિલ્હીના ઉપરાજ્યપાલ અનિલ બૈજલે આપ્યું રાજીનામું: જાણો કોણ બની શકે રાજધાનીના ‘નવા બોસ’

Mukhya Samachar

દેશના 15માં રાષ્ટ્રપતિ તરીકે દ્રૌપદી મુર્મૂએ શપથગ્રહણ કર્યા

Mukhya Samachar

માયાનગરી મુંબઇ પર ખતરો! દરીયાના વધતા સ્તરને લગતા રિસર્ચમાં થયો  મોટો ખુલાસો 

Mukhya Samachar

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy