Mukhya Samachar
Gujarat

ગુજરાતમાં ભાદરવો ભરપૂર! આજે પણ સૌરાષ્ટ્રના અનેક જિલ્લાઓને ધમરોળતા મેઘરાજા

Full of Bhadravo in Gujarat! Even today, Meghraja is ruling many districts of Saurashtra

રાજ્યમાં આજે દ્રારકા, જૂનાગઢ, પોરબંદર, જામનગર અને બનાસકાંઠા સહિતના વિસ્તારોમાં મેઘો મહેરબાન થયો છે. આજ રોજ દ્વારકામાં ધીમી ધારે વરસાદ શરૂ થયો હતો. પરંતુ સતત વરસાદના કારણે દ્વારકાના રસ્તાઓ ઉપર પાણી ભરાઇ ગયા હતા. જૂની નગરપાલિકા વિસ્તારમાં રસ્તા ઉપર પાણી ફરી વળ્યા હતા. ત્યારે રાજ્યમાં હજુ થોડાક સમય સુધી વરસાદી માહોલ રહી શકે છે.
બીજી બાજુ જૂનાગઢના માળીયા હાટીનામાં પણ ધોધમાર વરસાદ શરુ થઇ ગયો હતો. આજે બીજા દિવસે પણ જૂનાગઢમાં સવારના સાડા દસ વાગ્યાથી અનરાધાર વરસાદ વરસી રહ્યો છે. જેના કારણે શાક માર્કેટ વિસ્તારમાં પાણી ભરાઇ ગયા. તદુપરાંત આસપાસના ગામોમાં પણ વરસાદી માહોલ જોવા મળ્યો.

જામનગરમાં પણ મેઘરાજાએ પધરામણી કરતા વાતાવરણમાં ઠંડક પ્રસરતા લોકોને અસહ્ય બફારાથી રાહત મળી હતી. જોકે, મુશળધાર વરસાદ વરસતા અહીં કેટલાક નીચાણવાળા વિસ્તારોમાં પાણી ભરાઇ ગયા હતા.

Full of Bhadravo in Gujarat! Even today, Meghraja is ruling many districts of Saurashtra

એ સિવાય પોરબંદર જિલ્લામાં પણ છેલ્લા 3 દિવસથી સાર્વત્રિક વરસાદ જોવા મળી રહ્યો છે. ત્યારે આજે વહેલી સવારથી જ પોરબંદરમાં વાદળછાયા વાતાવરણ વચ્ચે ધીમીધારે વરસાદનું આગમન થયું હતું. પોરબંદર શહેર ઉપરાંત આસપાસના ગ્રામ્ય વિસ્તારોમાં પણ વરસાદ નોંધાયો હતો. જોકે, વરસાદના લીધે લોકોને ગરમીથી ભારે રાહત અનુભવાઇ હતી.

તમને જણાવી દઇએ કે, ગુજરાતમાં છેલ્લા 24 કલાકમાં 219 તાલુકામાં વરસાદ વરસ્યો છે. જેમાં મહુવામાં 5 ઇંચ, અમરેલીમાં 5 ઇંચ, કુતિયાણામાં 5 ઇંચ, વિસાવદરમાં 4 ઇંચ, મેંદરડામાં 4 ઇંચ વરસાદ, લખતરમાં 3.9 ઇંચ, નવસારીમાં 3.8 ઇંચ, ભેંસાણ, જૂનાગઢ અને જલાલપોરમાં 3.7 ઇંચ વરસાદ, ભુજ અને વેરાવળમાં 3 ઇંચ વરસાદ, બાબરા,વાડીયા,આંણદ અને ગારીયાધારમાં 2.8 ઇંચ, વંથલી,લીલીયા,સોજીત્રા,સાણંદ અને પેટલાદમાં 2.3 ઇંચ વરસાદ, લાઠી,પાલીતાણા,મહુવા,ધોરાજી,માણાવદર,ધંધુકા અને ધોલેરામાં 1.8 ઇંચ વરસાદ, જેતપુર, રાણાવાવ, ચોર્યાસી, શિંહોર અને વાલોડમાં 1.6 ઇંચ વરસાદ જ્યારે ખાંભા, મોરવાહડફ, બગસરા, ડોલવણ અને ગોંડલમાં 1.4 ઇંચ વરસાદ ખાબક્યો.

Related posts

ગોંડલના લાલપુલ અંડરબ્રિજમાં વિદ્યાર્થીઓથી ભરેલી બસ પાણીમાં ફસાતા રેસક્યું કરાયું

Mukhya Samachar

આટકોટમાં વડાપ્રધાનના કાર્યક્રમને લઇ ઢગલાબંધ ગાડીઓ સાથે રિહર્સલ યોજયું

Mukhya Samachar

રાજયમાં વધુ એક આંદોલનના એંધાણ! એસ.ટી નિગમના કર્મચારીઓએ 16 જૂનથી માસ CL પર ઉતરવાની ચીમકી આપી

Mukhya Samachar

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy