Mukhya Samachar
Gujarat

ડાંગ જિલ્લામાં મુશળધાર વરસાદથી અનેક નદીઓમાં આવ્યા ઘોડાપૂર

Heavy rains in Dang district led to flood in several rivers

રાજયમાં છેલ્લા ઘણા દિવસોથી સતત વરસાદ પડી રહ્યો છે. ત્યારે રવિવારે ડાંગ જિલ્લામાં અનરાધાર વરસાદ પડ્યો હતો. રવિવારે ડાંગ જિલ્લામાં મેઘરાજા મહેરબાન થયા હતા જેમાં ગિરિમથક સાપુતારા સહિત આહવા, વઘઈ, સુબીર પંથકમાં વરસાદી માહોલ છવાયો છે. ભારે વરસાદને કારણે ગામમાં નદીઓ વહેતી થઈ છે. તે ઉપરાંત વઘઈના રેસ્ટોરન્ટમાં પણ પાણી ભરાયા હતા. ભારે વરસાદને કારણે ખેતરોમાં પાણી ભરાયેલા રહેલા ખેડૂતોનો પાક સંપૂર્ણ નિષ્ફળ ગયો છે. ખેડૂતોએ લીલો દુષ્કાળ જાહેર કરી સહાય ચૂકવવા માગ કરી છે.

ડાંગ જિલ્લામાં બપોર બાદ વરસેલા અનરાધાર વરસાદને કારણે નદીઓમાં ઘોડાપુરની સ્થિતિ સર્જાઇ છે. અંબિકા, ગીરા, પૂર્ણા અને ખાપરી નદી બે કાંઠે વહેતી થઈ. લો લેવવ કોઝવે પર પાણી ફરી વળતા વાહનવ્યવહારને ભારે અસર પહોંચી. ધુલચોન્ડ, કુમારબંધ, આંબાપાડા, સુસરદા સહિત અનેક કોઝવે ઉપર પાણી ફરી વળ્યાં. ઘોડાપુરની સ્થિતિ સર્જાતા નદી કિનારે ન જવા તંત્રએ લોકોને અપીલ કરી છે.

Heavy rains in Dang district led to flood in several rivers

ગિરિમથક સાપુતારા ખાતે સતત 2 કલાક એકધારો વરસાદ વરસતા ગાઢ ધૂમ્મસીયુ વાતાવરણમાં પ્રવાસીઓનો આનંદ બેવડાયો છે. અવિરત વરસાદ વરસતા લોકોને ઠંડીનો સામનો કરવો પડી રહ્યો છે. વઘઈ તાલુકામાં રવિવારે બપોરે 4થી 6 કલાકમાં એટલે, બે કલાકમાં 2.91 ઇંચ વરસાદ ખબક્યો હતો. સાંજે 4થી 6માં આહવામાં 13 એમ એમ, વધઈમાં 74 એમએમ, સુબીરમાં 16 એમએમ, સુપાતારામાં 27 એમએમ વરસાદ નોંધાયો છે.

રાજ્યમાં છેલ્લા 18 કલાકમાં માત્ર 6 તાલુકામાં વરસાદ નોંધાયો છે. જેમા સૌથી વધુ વલસાડના ઉમરગામમાં 1.32 ઇંચ, સુબીરમાં 1.2 ઇંચ વરસાદ નોંધાયો છે. ચોમાસાની વિદાય અંગે હવામાન નિષ્ણાતએ જણાવ્યું હતું કે, ચોમાસાની સિઝનનો છેલ્લો તબક્કો ચાલી રહ્યો છે. હવે ચોમાસું વિદાય ક્યારે લેશે તેના પર લોકોની નજર છે. ગુજરાતમાંથી સપ્ટેમ્બરના અંતમાં ચોમાસુ વિદાય લેવાની શરૂઆત થઈ જશે. 28 સપ્ટેમ્બરથી 3 ઓક્ટોબર સુધીમાં કચ્છ અને ઉત્તર ગુજરાતના વિસ્તારમાંથી ચોમાસુ વિદાયની શરૂઆત થઈ જશે. 3 થી 8 ઓક્ટોબર સુધીમાં રાજ્યમાંથી ચોમાસાની વિદાય થશે તેવું અનુમાન છે. ચોમાસાની વિદાય અને તે દરમિયાન નવરાત્રી આવી રહી છે. ત્યારે ચોમાસાની વિદાય વચ્ચે પણ વરસાદ થવાનું અનુમાન છે. લોકલ સિસ્ટમ એટલે કે, થન્ડર સ્ટ્રોમના કારણે નવરાત્રી દરમિયાન વરસાદ થશે.

Related posts

રશિયા યુક્રેન યુધ્ધની અસર રાજકોટ સ્ટેશનરી માર્કેટ પર પડી: ભાવમાં 25 ટકા જેટલો વધારો

Mukhya Samachar

છેલ્લા 24 કલાકમાં રાજ્યના 58 તાલુકામાં થઇ મેઘ મહેર: સૌથી વધુ કામરેજમાં 2.5 ઇંચ વરસાદ

Mukhya Samachar

આરોગ્યકર્મચારીઓ બાદ હવે ખેડૂતો ગાંધીનગરમાં આંદોલનના માર્ગે! છેલ્લા 8 દિવસથી ચાલે છે આંદોલન

Mukhya Samachar

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy