Honda Motorcycle and Scooter India (HMSI) સોમવાર, 23 જાન્યુઆરીએ તેનું નવીનતમ મોડલ લોન્ચ કરવા માટે તૈયાર છે. અહેવાલો અનુસાર, કંપની નવી ટેક્નોલોજી સાથે તેના બેસ્ટ સેલિંગ એક્ટિવા 6જી સ્કૂટરનું અપડેટેડ ટોપ-એન્ડ વર્ઝન લોન્ચ કરી શકે છે, જેને Honda Activa H-Smart નામ આપવામાં આવી શકે છે.
ટુ-વ્હીલર નિર્માતાએ તાજેતરમાં આગામી મોડલનું ટીઝર રિલીઝ કર્યું છે, જેને તે ‘ન્યૂ સ્માર્ટ’ સ્કૂટર કહે છે. જોકે કંપનીએ આગામી મોડલ વિશે વધુ માહિતી શેર કરી નથી. અહેવાલો કહે છે કે કંપની તેની એચ-સ્માર્ટ ટેક્નોલોજીના ભાગ રૂપે નવી એન્ટી-થેફ્ટ સિસ્ટમ સહિત અનેક નવા ફીચર્સ ઓફર કરશે. જ્યારે લોન્ચ કરવામાં આવશે, ત્યારે નવું એક્ટિવા એચ-સ્માર્ટ સ્કૂટર ભારતીય બજારમાં TVS Jupiter અને Hero Maestro જેવી અન્ય કંપનીઓને ટક્કર આપશે.
રિપોર્ટ્સ અનુસાર, Honda Activa H-Smart અગાઉના જનરેશનના મોડલ કરતાં હળવા હશે. નવા સ્કૂટરનું વજન DLX વેરિઅન્ટ કરતાં લગભગ એક કિલોગ્રામ ઓછું હશે. હોન્ડા અપડેટના ભાગરૂપે નવા ગ્રાફિક્સ અને નવા રંગ વિકલ્પો સાથે નવી એક્ટિવા એચ-સ્માર્ટ રજૂ કરે તેવી અપેક્ષા છે. વધુ પાવર આપવા માટે હોન્ડા પાવરટ્રેનમાં પણ ફેરફાર કરશે. 110cc સિંગલ-સિલિન્ડર, એર-કૂલ્ડ યુનિટ હવે વધુ પાવર જનરેટ કરે તેવી શક્યતા છે, જે વર્તમાન 7.68 bhpની સરખામણીમાં 7.80 bhp હોઈ શકે છે.
એવી અપેક્ષા છે કે એચ-સ્માર્ટ ટેક્નોલોજીમાં કંપનીની એન્ટિ-થેફ્ટ સિસ્ટમ હશે. જાપાનીઝ ટુ-વ્હીલર જાયન્ટ પહેલાથી જ તેના પ્રીમિયમ ઓફરિંગ પર હોન્ડા ઇગ્નીશન સિક્યુરિટી સિસ્ટમ (HISS) જેવી સુવિધાઓ પ્રદાન કરે છે. અને એચ-સ્માર્ટ એ બ્રાંડની કોમ્યુટર રેન્જ માટે ડિઝાઇન કરવામાં આવેલ સસ્તું સોલ્યુશન હોઈ શકે છે. આ ફીચર પહેલા એક્ટિવામાં ઉપલબ્ધ થાય તેવી શક્યતા છે. જે બાદ આશા છે કે આ ટેક્નોલોજી હોન્ડાના અન્ય ટુ-વ્હીલર્સમાં પણ ઉપલબ્ધ કરવામાં આવશે.
Honda Activa 6G 2020 માં રજૂ કરવામાં આવી હતી અને ત્યારથી, સમગ્ર ઓટો સેક્ટરમાં મોડલની કિંમતોમાં ભારે વધારો જોવા મળ્યો છે. હોન્ડા ભાવમાં સતત વધારા સાથે કામ કરતી વખતે નવી ટેક્નોલોજી દ્વારા તેના ઉત્પાદનમાં વધુ મૂલ્ય ઉમેરવાનું લક્ષ્ય રાખશે. વર્તમાન પેઢીના Activa 6Gની કિંમત રૂ. 73,360 થી રૂ. 75,860 સુધીની છે. નવા મોડલની કિંમત અંદાજે રૂ. 75,000 થી રૂ. 80,000 વચ્ચે હોવાની અપેક્ષા છે.
