-
Hyundai કરશે વ્હીકલ ભારતમાં લોન્ચ
-
ભારતમાં IONIQ 5 લોન્ચ કરવા જઈ રહ્યા છે.
-
ભવિષ્ય માટે પ્રોડક્ટની રેન્જ પણ વિસ્તૃત કરવાની યોજના.
Hyundai Motor Indiaએ મંગળવારના રોજ જણાવ્યું કે કંપની દુનિયાભરમાં લોકપ્રિય થયેલા ઈલેક્ટ્રિક વ્હીકલ IONIQ 5ને(IONIQ 5 India Launch) ભારતમાં લોન્ચ કરશે. કંપનીએ જાહેરાત કરી છે કે આ જ વર્ષે આ વ્હીકલ ભારતમાં લાવવામાં આવશે. આ મોડલને વર્ષના બીજા ભાગમાં એટલે કે જૂન-જુલાઈ પછી લોન્ચ કરવામાં આવશે. તહેવારોની સીઝનમાં ઈલેક્ટ્રિક વ્હીકલને લાવવાની કંપનીની યોજના છે. આ વ્હીકલ સાથે કંપની ભારતમાં પોતાના બેટરી ઈલેક્ટ્રિક વાહનોના બિઝનસની સ્થાપના કરશે.હ્યુન્ડાઈ મોટર ઈન્ડિયાના એમડી અને સીઈઓ ઉન્સુ કિમે પોતાના સ્ટેટમેન્ટમાં જણાવ્યું કે, એક ગ્રાહકલક્ષી બ્રાન્ડ તરીકે કંપની ઈલેક્ટ્રિકટ મોબિલિટી પર ધ્યાન કેન્દ્રિત કરવા માંગે છે.
પ્રગતિશીલ અને ટકાઉ ભવિષ્ય માટે પ્રોડક્ટની રેન્જ પણ વિસ્તૃત કરવાની યોજના છે. કંપની વર્ષ 2028 સુધી પોતાના બેટરી ઈલેક્ટ્રિક વ્હીકલના વિસ્તૃતીકરણ માટે પ્રતિબદ્ધ છે.તેમણે જણાવ્યું કે, આજે અત્યંત ગર્વ સાથે અમે જાહેરાત કરી રહ્યા છીએ કે ભારતમાં અમે IONIQ 5 લોન્ચ કરવા જઈ રહ્યા છીએ. ઈલેક્ટ્રિક મોબિલિટીના આ યુગને પ્રોત્સાહન આપવા માટે IONIQ 5 ગ્રાહકોની આકાંક્ષાઓને પુન:વ્યાખ્યાયિત કરશે અને એવા નિરાકરણો લઈને આવશે જે દરેક પ્રકારે ચઢિયાતા હશે. આ વાહન તેમના અનુભવોને અલગ દિશા આપશે.
હ્યુન્ડાઈ કંપની પાછલા 25 વર્ષથી ભારતની સાથે છે. માટે હવે કંપની ઈલેક્ટ્રિક વ્હીલક બાબતે પણ આ મહાન દેશ સાથે ભાગીદારી કરવા માટે ઉત્સુક છે.ઉલ્લેખનીય છે કે ગત વર્ષે ડિસેમ્બર મહિનામાં હ્યુન્ડાઈ કંપનીએ જાહેરાત કરી હતી કે તેઓ વર્ષ 2028 સુધીમાં ભારતમાં લગભગ છ ઈલેક્ટ્રિક વ્હીકલ્સ લાવવા માટે 4000 કરોડ રુપિયાનું રોકાણ કરશે. કંપની વર્તમાન રેન્જના આધારે એક કરતા વધારે મોડલને મિક્સ કરીને લોન્ચ કરી શકે છે અથવા તો ગ્લોબલ પ્લેટફોર્મને આધારે નવા વ્હીકલ લાવી શકે છે. હ્યુન્ડાઈ નવા ઈલેક્ટ્રિક વ્હીકલથી ભારતના માસ માર્કેટ અને માર પ્રીમિયમ માર્કેટ સેગમેન્ટને ટાર્ગેટ કરશે.
