ભારતીય રેલ્વેએ 102 વંદે ભારત રેક (2022-2023માં 35 અને 2023-2024માં 67) માટે ભારતીય રેલ્વે ડિઝાઇન અને ભારતીય રેલ્વેના ઉત્પાદન એકમોની અંદર ઉત્પાદન યોજના જારી કરી છે. PH 21-કોચની અન્ય વસ્તુઓ સાથે વંદે ભારત ટ્રેનની જોગવાઈ રોલિંગ સ્ટોક પ્રોગ્રામ હેઠળ આવે છે, જેના માટે નાણાંકીય વર્ષ 2022-2023ના સુધારેલા અંદાજમાં રૂ. 19479 કરોડની રકમ પ્રદાન કરવામાં આવી છે. કેન્દ્રીય રેલવે મંત્રી અશ્વિની વૈષ્ણવે બુધવારે લોકસભામાં એક પ્રશ્નના લેખિત જવાબમાં આ માહિતી આપી હતી.
કેન્દ્રીય મંત્રીએ માહિતી આપી હતી કે પહેલી વંદે ભારત એક્સપ્રેસ નવી દિલ્હી અને વારાણસી વચ્ચે 15 ફેબ્રુઆરી 2019થી શરૂ કરવામાં આવી હતી. હાલમાં ભારતીય રેલ્વે નેટવર્કમાં વંદે ભારત એક્સપ્રેસની 10 જોડી ચાલી રહી છે. ભારતીય રેલ્વેએ 400 વંદે ભારત ટ્રેનો બનાવવાની યોજના બનાવી છે, જેના માટે પસંદગી માટે ટેન્ડર મંગાવવામાં આવ્યા છે. આ ઉપરાંત બજેટ 2023-24 હેઠળ 8000 વંદે ભારત કોચની પણ દરખાસ્ત કરવામાં આવી છે.
રેલ કાર્ગોને હેન્ડલ કરવા માટે વધારાના ટર્મિનલ વિકસાવવા માટે ઉદ્યોગના રોકાણને પ્રોત્સાહિત કરવા 15 ડિસેમ્બર 2021ના રોજ નવી ગતિ શક્તિ મલ્ટિ-મોડલ કાર્ગો ટર્મિનલ (GCT) નીતિ શરૂ કરવામાં આવી હતી. આ ટર્મિનલ રેલવે સિવાયની જમીન તેમજ આંશિક અથવા સંપૂર્ણ રીતે રેલવેની જમીન પર બાંધવામાં આવશે. 2022-23, 2023-24 અને 2024-25 ત્રણ નાણાકીય વર્ષમાં 100 ગતિ શક્તિ કાર્ગો ટર્મિનલ શરૂ કરવાનો લક્ષ્યાંક છે, જેમાંથી 30 GCT પહેલેથી જ કાર્યરત થઈ ચૂક્યા છે. અત્યાર સુધીમાં, 145 અરજીઓ પ્રાપ્ત થઈ છે અને GCT નીતિ હેઠળ કાર્ગો ટર્મિનલના વિકાસ માટે 103 સૈદ્ધાંતિક મંજૂરીઓ જારી કરવામાં આવી છે.
