-
આ શો ટીવી પર નહીં પરંતુ ઓટીટી પર સ્ટ્રિમ થશે
-
નવા શોનાં કન્ટેન્ટ અંગે આપી માહિતી
-
નવી સિઝનનુ મે માસમાં શૂટિંંગ ચાલુ થશે
કરણ જોહરે બુધવારે સાંજે કોફી વિથ કરણ શોની સાતમી સિઝન નહીં આવે એવી જાહેરાત કરી હતી. હવે તેની આ જાહેરાત સસ્તો પબ્લિસિટી સ્ટંટ પુરવાર થઈ છે. કરણે ખુદ બુધવારે મોડેથી જાહેર કર્યું હતું કે આ શો પાછો ચાલુ નહીં થાય એ જાહેરાતમાં એક ટ્વિસ્ટ છે. આ શો ટીવી પર પાછો નહીં આવે પરંતુ ઓટીટી પર સ્ટ્રિમ થશે.કરણે નવી પોસ્ટમાં જણાવ્યું હતું કે, દરેક સારી સ્ટોરીમાં ટ્વિસ્ટ જરૂરી હોય છે અને એ રીતે આ શોની નવી સિઝનમાં પણ ટ્વિસ્ટ આવી રહ્યો છે.નવા શોનાં કન્ટેન્ટ અંગે પણ માહિતી આપતાં કરણે જણાવ્યું છે કે, નવી સિઝનમાં સ્ટાર્સ ગેમ્સ પણ રમશે.
પોતાના વિશેની અફવાઓના ખુલાસા કરશે પ્રેમ, નુકસાન અને પાછલાં વર્ષોમાં જે કાંઈ પણ ભોગવ્યું છે તે વિશે વાત કરશે.આ અગાઉ અહેવાલો હતા કે, આ શોની સાતમી સિઝન આવી રહી છે. પરંતુ, બુધવારે ખુદ કરણ જોહરે નવી સિઝન નહીં આવે તેવી જાહેરાત કર્યા બાદ એ અટકળો પર પડદો પડી ગયાનું મનાતું હતું. હવે કરણની નવી જાહેરાતથી નક્કી થયું છે કે શોની નવી સિઝનનુ મે માસમાં શૂટિંંગ ચાલુ થશે અને મોટાભાગે જુન મહિનાથી તે ઓન એર થશે એવી અગાઉની અટકળોમાં વજુદ હતું.
