Mukhya Samachar
Gujarat

અમદાવાદના શાહીબાગ વિસ્તારમાં મોટી દુર્ઘટના, બિલ્ડિંગના 7મા માળે લાગેલી ભીષણ આગમાં બાળકીનું મોત

major-tragedy-in-ahmedabads-shahibaug-area-a-girl-died-in-a-fierce-fire-on-the-7th-floor-of-the-building

અમદાવાદના ગિરધર નગર સર્કલ પાસે ઓર્ચિડ ગ્રીન બિલ્ડીંગમાં લાગેલી આગમાં 17 વર્ષીય કિશોરીનુ મૃત્યુ થયું હોવાનું સામે આવ્યું છે. આ સાથે અન્ય 5 સભ્યોને ફાયર વિભાગે બચાવ્યા છે. આજે ઓર્ચિડ ગ્રીન બિલ્ડીંગમાં અચાનક કોઈ કારણોસર આગ લાગી હતી. ઘટનાની જાણ થતાં ફાયર વિભાગે તાત્કાલિક આગ બુઝાવવા અને લોકોને બચાવવાની કવાયત હાથ ધરી હતી. બિલ્ડિંગમાં લાગેલી આગ કાબૂમાં લેવા ફાયર વિભાગની 11 ગાડીઓની મદદ લેવાઈ હતી. જે બાદમાં ફાયર વિભાગે આગ ઉપર કાબૂ મેળવી લીધો છે.

ગિરધર નગર સર્કલ પાસે ઓર્ચિડ ગ્રીન બિલ્ડીંગમાં સાંતમા માળે અચાનક આગ ભભૂકી ઉઠી હતી. જેને લઈ અફરાતફરીનો માહોલ સર્જાયો હતો. આ તરફ ફાયરની 11 ગાડીઓની મદદથી બિલ્ડિંગમાં લાગેલી આગને કાબૂમાં લેવાઈ હતી. જોકે આ આગની દુર્ઘટનામાં સાંતમા માળે ઘરમાં 5 સભ્યો હતા જેમાંથી એક 17 વર્ષીય કિશોરીનું મોત થયુ છે. ફાયરની ટીમે 17 વર્ષીય કિશોરીને બચાવ્યા બાદ તેની હાલત ગંભીર હતી. જેથી કિશોરીને તાત્કાલિક સારવાર અર્થે ખસેડાયા બાદ તેનું મોત થયું છે.

major-tragedy-in-ahmedabads-shahibaug-area-a-girl-died-in-a-fierce-fire-on-the-7th-floor-of-the-building

આગ લાગવાનું કારણ અકબંધ
અમદાવાદના ગિરધર નગર સર્કલ પાસે ઓર્ચિડ ગ્રીન બિલ્ડીંગમાં અચાનક આગ લાગી હતી. જોકે હજી સુધી આ આગ કેવી રીતે લાગી તેનું કોઈ ચોક્કસ કારણ સામે આવ્યું નથી. આ તરફ ઘટનાની જાણ થતાં જ ફાયર વિભાગ દ્વારા તમામ 5 વ્યક્તિઓનું રેસ્ક્યૂ કરવામાં આવ્યું હતું. આ સાથે ઉપરના 3 માળના લોકોનું પણ રેસ્ક્યુ કરાયુ હતું. જોકે ગંભીર રીતે દાઝી જવાને કારણે 17 વર્ષીય કિશોરીનું મોત થયું છે.

થોડા દિવસો પહેલા શાહપુરમાં લાગેલી આગ 3 ના મોત થયા હતા
થોડા દિવસો પહેલા અમદાવાદના શાહપુર વિસ્તારમાં આગની ઘટના સામે આવી હતી. જેમાં સવારના સમયે 4:30 વાગ્યે ન્યૂ એચ કોલોનીના એક રહેણાંક મકાનમાં અચાનક આગ લાગી હતી. જેમાં ઘરમાં રહેલા પતિ-પત્ની અને બાળકનું મોત થયું હતું. એક જ પરિવારના ત્રણ લોકો એટલે કે, પતિ-પત્ની અને બાળક આગની ઘટનામાં જીવતા હોમાઈ જતાં ચકચાર મચી ગઈ છે.

Related posts

દ્વારકાના શારદાપીઠના શંકરાચાર્ય સ્વામી સ્વરૂપાનંદ સરસ્વતી બ્રંહલિન થયા!

Mukhya Samachar

ગુજરાતના અમદાવાદ એરપોર્ટ પરથી પકડાયું કરોડોનું સોનુ, 3 મુસાફરો પકડાયા

Mukhya Samachar

દબંગ નેતા મધુ શ્રીવાસ્તવની મુશ્કેલી વધી શકે છે! આચાર સંહિતા ભંગની થઇ શકે છે કાર્યવાહી

Mukhya Samachar

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy