ગુજરાતના નવસારી જિલ્લાના ચીખલી નજીક સોમવારે સવારે એક મોટો માર્ગ અકસ્માત થયો હતો (નવસારી અકસ્માત). આ અકસ્માતમાં ચાર લોકોના ઘટનાસ્થળે જ મોત થયા હતા. મળતી માહિતી મુજબ કન્ટેનર ટ્રક અને ઈનોવા કાર વચ્ચે જોરદાર ટક્કર થઈ હતી. અકસ્માત બાદ પોલીસે આગળની કાર્યવાહી હાથ ધરી છે. બનાવની પ્રાથમિક વિગત મુજબ સવારે 5.30 થી 5.45 વાગ્યાની વચ્ચે આલીપોર ઓવર બ્રિજ પાસે સુરતથી વલસાડ જઈ રહેલ ટ્રક કન્ટેનર અને મુંબઈથી સુરત આવી રહેલી ઈનોવા કાર વચ્ચે અકસ્માત થયો હતો. અકસ્માત એટલો ગંભીર હતો કે ઈનોવા કારની ચેસીસ પલટી ગઈ હતી.
બે લોકોની હાલત ગંભીર છે
અકસ્માતની જાણ થતાં આસપાસના લોકો પહોંચી ગયા હતા અને બચાવ કાર્ય શરૂ કર્યું હતું, પરંતુ કારમાં સવાર ચારેય લોકોના ઘટનાસ્થળે જ મોત થયા હતા. જ્યારે બેની હાલત ગંભીર હોવાથી તેમને સારવાર માટે નજીકની હોસ્પિટલમાં રિફર કરવામાં આવ્યા છે.
મળતી માહિતી મુજબ તમામ મૃતકો સુરતના રહેવાસી હતા અને મુંબઈ એરપોર્ટથી સુરત આવી રહ્યા હતા. ઘટનાની જાણ થતા નવસારી ડીએસપી અને અન્ય અધિકારીઓ પણ ઘટના સ્થળે પહોંચી ગયા હતા. ચીખલી પોલીસે વધુ તપાસ હાથ ધરી હોવાનું જણાવ્યું હતું. અકસ્માતને પગલે હાઇવે પર થોડો સમય જામ થઇ ગયો હતો. આ પછી પોલીસે ઘટનાસ્થળે પહોંચીને ટ્રાફિકને નિયંત્રિત કર્યો હતો.
