Mukhya Samachar
Food

આ જગ્યાના છોલે સમોસ જ નહિ આ વસ્તુ પણ છે ખુબ ફેમસ

not-only-chole-samosa-this-item-is-also-a-must-try-at-guru-kripa-in-sion
  • ગુજરાતીઓ રવિવારે “યાર કંઇ જુદું ખાઇએ આજે”ના વિચારમાં જ હોય છે
  • અહીયાં મળતી એક આઇટમ એવી છે જે કદાચ જ તમે ટ્રાય કરી હોય
  • ઓનલાઈન પણ ઑર્ડર કરી શકો છો.

વીકેન્ડની રાહ કોઇપણ માણસ બે વાત માટે જુએ – એક તો મિત્રો અને પરિવાર સાથે સમય ગાળવા અને બીજું બહાર ખાવા માટે. 100 ટકા ગુજરાતીઓમાંથી 200 ટકા ગુજરાતીઓ રવિવારે “યાર કંઇ જુદું ખાઇએ આજે”ના વિચારમાં જ જીવતા હોય છે.

ગૂગલ પર તમે સર્ચ કરો ‘બેસ્ટ છોલે સમોસા ઇન મુંબઈ’ એટલે સૌથી પહેલું નામ આવે ગુરુકૃપા (Gurukripa)નું. ખાવાના શોખીન ગુજરાતીઓ માટે સાયનના આ રેસ્ટોરન્ટનું નામ નવું નથી, પરંતુ અહીયાં મળતી એક આઇટમ એવી છે જે કદાચ જ તમે ટ્રાય કરી હોય. એ આઇટમ છે મિક્સ ભજિયાં.

વરસદાની મોસમ છે, વરસાદ પડે કે ન પડે કંઇક ઝાપટવા માટેનો માહોલ તો બનેલો જ હોય છે. તમે સાયનમાં હો અને તમારા પેટમાં રહેલા દેવી-દેવતાઓ તમને પેટ પૂજાની આજ્ઞા કરે તો અચૂક ગુરુકૃપા પહોંચી જજો અને આ વખતે છોલે સમોસા ઉપરાંત મિક્સ ભજિયાંનું ટોકન પણ સાથે લઈ જ લેજો. અહીંયા મિક્સ ભજિયાં સાથે ચટણી અને કાંદા સાથે તમને છોલે પણ મળશે જે ખરેખર એક સરપ્રાઈઝિંગ ફેક્ટર છે.

not-only-chole-samosa-this-item-is-also-a-must-try-at-guru-kripa-in-sion

મિક્સ ભજિયાંની પ્લેટમાં હોય છે બટેટાં, મરચાં, મેથી અને મગની દાળના ભજિયાં. ચટણી અને કાંદા તો ભજિયાંની પ્લેટના કાયમી સાથી છે પણ અહીં તમારી પાસે છોલેનો વિકલ્પ પણ છે જે ભજિયાંના બાઇટને એક અલગ સ્વાદ આપે છે.

જો તમે ત્યાં પહેલી વાર જ જતાં હો તો તમારે ખૂબ જ ધીરજ રાખવી પડશે. પહેલાં એક નાની લાઇનમાં ઊભા રહી તમારે ટોકન લેવું પડશે અને ત્યાર બાદ ફરી બીજી નાની લાઇનમાં ઊભા રહેશો ત્યારે જઈને તમને આ સ્વાદનો ભોગ હાથ લાગશે અહીં છોલે પેટીસ અને દાલ પકવાન પણ મળે છે, તે પણ ટ્રાય કરવા જેવા તો ખરાં જ. જો તમે લાઇનમાં ઊભા રહેવાની જફા ખેડવા માગતા ન હો તો તમે આ તમામ વાનગીઓ ઓનલાઈન પણ ઑર્ડર કરી શકો છો.

Related posts

શું તમને આઈસ એપલ વિષે ખબર છે? જાણો શુકામ આ સુપર ફૂડ તરીકે ઓળખાય છે!

Mukhya Samachar

ડાયાબિટિસના દર્દીઓએ આ રીતે જમવામાં કરવું જોઈ કેળાનું સેવન

Mukhya Samachar

સ્વાદ રસિકો માટે ગાંધીનગરમાં આ છે બેસ્ટ પ્લેસ

Mukhya Samachar

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy