-
નવી ફિલ્મના ટાઇટલ માટે લોકો પાસેથી માગ્યા સજેશન
-
હિન્દી રિમેકનું ડાયરેક્શન કરશે સુધા કોંગરા
-
લોકોને રીમેક જોવામાં કોઈ રસ નથી.
ફિલ્મ સ્ટાર અક્ષય કુમારે પોતાની નવી ફિલ્મના ટાઇટલ માટે લોકો પાસેથી સજેશન માંગ્યા છે. જોમે લોકોએ તેને નવું ટાઇટલ સજેસ્ટ કરવાને બદલે સાઉથની વધુ એક રિમેક નહીં કરવાનું જ સજેશન આપી દીધું છે. અક્ષયની તાજેતર ની જ સાઉથની એક રિમેક ‘બચ્ચન પાંડે’ એ બોક્સ ઓફિસ પર પાણી પણ ન હતું માંગ્યું તેની યાદ લોકોએ અપાવી છે. સાઉથ ની બહુ વખણાયેલી ફિલ્મ ‘ સુરારાઈ પોતરું’ ની રિમેક બની રહી છે. મૂળ ફિલ્મના ટાઇટલનો અર્થ સાહસિકો ની કદર એવો થાય છે. આ ફિલ્મ દેશમાં લો કોસ્ટ એરલાઇન્સના પ્રણેતા ગોપીનાથનાં જીવન પર આધારિત છે.
સુધા કોંગરા નું ડિરેક્શન ધરાવતી ફિલ્મમાં સુરીઆ એ મુખ્ય ભૂમિકા ભજવી હતી. હવે હિન્દી રિમેકનું ડાયરેક્શન પણ સુધા જ કરવાનાં છે. અક્ષય કુમારે આ ફિલ્મનું કામ શરૂ કરતાં પહેલાં નાળિયેર વધેરાયું તે પ્રસંગની કલીપ મૂકી છે. તેની સાથે હીરોઇન રશ્મિકા મંદાના અને સુધા પણ છે. અક્ષય કુમારે જણાવ્યું છે કે આ ફિલ્મ સપનાંની ક્ષમતા પર આધારિત છે. લોકો તેના માટે યોગ્ય ટાઇટલ સૂચવી શકે છે. જોકે, લોકોએ વધુ એક રિમેક માટે અક્ષયની ખબર લઈ નાખી છે. અનેક લોકોએ જણાવ્યું છે કે તેમણે મૂળ ફિલ્મ ઓનલાઈન જોઈ નાખી છે અને હવે તેની ફાલતુ રિમેક જોવામાં તેમને કોઈ રસ નથી.
