બોલિવૂડ ફિલ્મોની સાથે OTT પ્લેટફોર્મની વેબ સિરીઝ પણ હેડલાઇન્સમાં રહે છે. OTT પ્લેટફોર્મ પર બોલિવૂડના ઘણા સ્ટાર્સે ડેબ્યુ કર્યું છે. હાલમાં જ પ્રિયંકા ચોપરાની હોલિવૂડ વેબ સીરિઝ ‘સિટાડેલ’નું ટ્રેલર રિલીઝ થયું છે. જે બાદ આ સીરિઝ ખૂબ ચર્ચામાં છે. આ પછી હવે રોકેટ બોયઝ 2નું ટ્રેલર પણ સામે આવ્યું છે. રોકેટ બોયઝની સફળતા બાદ મેકર્સે આ સીરીઝને બીજી સીઝન માટે લાવવાની તૈયારી કરી લીધી છે. આ સીરીઝના બીજા ભાગનું ટ્રેલર જોયા બાદ ફેન્સ ખુબ જ ખુશ દેખાઈ રહ્યા છે.
ટ્રેલર અદ્ભુત છે
અભય પન્નુની રોકેટ બોયઝ 2 ના ચાહકો ઘણા સમયથી રાહ જોઈ રહ્યા હતા. દરમિયાન, આ વેબ સિરીઝનું ટ્રેલર રિલીઝ થઈ ગયું છે. જેને જોયા બાદ ફેન્સ ખુબ જ ખુશ દેખાઈ રહ્યા છે. રોકેટ બોયઝ 2 નું ટ્રેલર ભૂતપૂર્વ વડા પ્રધાન જવાહરલાલ નેહરુના મૃત્યુ પછીની સમયરેખા દર્શાવે છે. ટ્રેલરમાં હોમી જે ભાભા અને ડૉક્ટર વિક્રમ સારાભાઈનો સંઘર્ષ પણ બતાવવામાં આવ્યો છે. આ સિરીઝમાં જિમ સરભ અને ઈશ્વાક સિંહ મહત્વની ભૂમિકામાં જોવા મળી રહ્યા છે. તો ચાલો જોઈએ રોકેટ બોયઝ 2નું ટ્રેલર જે ખૂબ જ ચર્ચામાં છે.
