વડોદરાના કમાટીબાગ વિસ્તારમાં આજે બાળમેળાનું આયોજન કરવામાં આવ્યું છે. આ બાળમેળાના કાર્યક્રમમાં હાજરી આપવા માટે મુખ્યમંત્રી પહોંચ્યા હતા. સીએમ ભૂપેન્દ્ર પટેલની સુરક્ષામાં ચૂક જોવા મળી હતી. એક ડ્રોન ઉડાવનાર શખ્સ સ્ટેજ સુધી પહોંચી ગયો હતો
મુખ્યમંત્રી ભૂપેન્દ્ર પટેલ આજે વડોદરા શહેરની મુલાકાત છે. તેઓ કમાટીબાગમાં આયોજિત બાળમેળાના કાર્યક્રમમાં ઉપસ્થિત રહ્યાં હતા. તેઓ જ્યારે સ્ટેજ પાસે હતા ત્યારે ડ્રોન ઉડાવનાર એક શખ્સ ત્યાં પહોંચી ગયો હતો. કોઇપણ પ્રકારની મંજૂરી વગર ડ્રોન ઉડાવનાર શખ્સને લઇને થોડો સમય અફરા-તફરી મચી હતી.
સુરક્ષામાં ચૂક થયાનું જાણ થતાં જ સુરક્ષા કર્મીઓ અને ઉપસ્થિત પોલીસે ડ્રોન ઉડાવનાર શખ્સની અટકાયત કરી હતી અને ડ્રોન સહિતનો માલ જપ્ત કરી આગળની કાર્યવાહી હાથ ધરી છે
