Mukhya Samachar
Fashion

ડિઝાઇનર બ્રાઇડલ લહેંગા ખરીદવા સમયે આટલી બાબતો ખાસ ધ્યાનમાં રાખો, શોપિંગ બનશે સરળ

seven-tips-to-remember-before-buying-a-designer-bridal-lehenga
  • બ્રાઇડલ લહેંગાની ખરીદી વખતે શું ધ્યાન રાખવું જોઇએ
  • લહેંગાની પ્રાઇઝ તેની એમ્બ્રોયડરી અને ફેબ્રિકના આધારે નક્કી કરવામાં આવતી હોય છે
  • લગ્નના એક મહિના અગાઉ જ શોપિંગ કરવાનું ટાળો

બ્રાઇડને લગ્નના દિવસ અગાઉ મહિનાઓ પહેલાંથી જ તૈયારીઓ શરૂ કરવાની હોય છે, તેમાં કપડાંથી લઇને મેકઅપ  બ્યૂટી ટ્રીટમેન્ટ્સ, હેલ્થ અને ઘણું બધું આવી જાય છે. સામાન્ય રીતે મેકઅપ અને બ્યૂટી ટ્રીટમેન્ટ્સ માટે આપણને એક્સપર્ટ્સ મળી જ જતાં હોય છે, પણ બ્રાઇડલ લહેંગાની ખરીદી વખતે શું ધ્યાન રાખવું જોઇએ અથવા પરફેક્ટ લહેંગાની પસંદગી કેવી રીતે કરવી જોઇએ તેની ટિપ્સ ભાગ્યે જ મળે છે.

જો તમે પણ આ જ અવઢવમાં હોવ અને પોતાના લગ્નના દિવસે પરફેક્ટ અને યૂનિક બ્રાઇડલ લહેંગાની શોધમાં હોવ તો Ideebs London ક્યોટ્યોર લેબલ ના ફાઉન્ડર આલિયા ડિબા  પાસેથી જાણો કેટલી સરળ ટિપ્સ. તમારાં લહેંગાની ખરીદી વખતે કઇ બાબતોનું ખાસ ધ્યાન રાખવું જોઇએ, તે જાણો.

seven-tips-to-remember-before-buying-a-designer-bridal-lehenga

બજેટ ફિક્સ કરો
દરેક બ્રાઇડલ લહેંગાની પ્રાઇઝ તેની એમ્બ્રોયડરી અને ફેબ્રિકના આધારે નક્કી કરવામાં આવતી હોય છે. તેથી જ રિસર્ચ બાદ તમારું બજેટ નક્કી કરી લો, આવું કરવાથી તમને ડિઝાઇનર લહેંગાની પ્રાઇઝ અનુસાર સર્ચ કરવામાં સરળતા રહેશે અને તમે છેતરાશો નહીં.

seven-tips-to-remember-before-buying-a-designer-bridal-lehenga

ચોક્કસ સમય ગોઠવો
બ્રાઇડલ આઉટફિટ્સ (bridal outfit)ની ખરીદી માટે સમય અને સમર્પણ બંને જોઇએ છે, તેથી જ છેલ્લી ઘડીએ અને ઉતાવળમાં અથવા લગ્નના એક મહિના અગાઉ જ શોપિંગ કરવાનું ટાળો. લગ્નની તારીખ નક્કી થાય ત્યારબાદ 6 મહિના અગાઉથી જ રિસર્ચ અને શોપિંગ શરૂ કરી દો.

seven-tips-to-remember-before-buying-a-designer-bridal-lehenga

ઓનલાઇન ડિઝાઇન્સ શોધો
માર્કેટમાં લહેંગાની ખરીદી પહેલાં ઓનલાઇન થોડું ઘણું રિસર્ચ કરી લો, કારણ કે વેડિંગ આઉટફિટ્સના ટ્રેન્ડ્સ (trends of wedding outfit) દર સિઝનમાં બદલાતા રહે છે. લહેંગાની ડિઝાઇનને ઓનલાઇન સર્ચ કરવાથી એમ્બ્રોયડરીની ડિઝાઇન્સ (types of embroidery) અને કલર્સ વિશે પુરતી માહિતી મળી જશે. આનાથી ખરીદી સમયે તમને કોઇ કન્ફ્યૂઝન કે ખચકાટ નહીં રહે.

seven-tips-to-remember-before-buying-a-designer-bridal-lehenga

સિઝનને ધ્યાનમાં રાખો
સિઝન કે હવામાન (Climate) ખૂબ જ અગત્યનું પાસું છે જે તમારે ધ્યાનમાં લેવું જોઇએ. જેમ કે, ઉનાળાની સિઝનમાં તમે હેવી ફેબ્રિક અને એમ્બ્રોયડરી લહેંગાની પસંદગી કરશો તો આખા પ્રસંગ દરમિયાન તમને અનકમ્ફર્ટેબલ લાગશે. જ્યારે શિયાળામાં લાઇટ ફેબ્રિક અને એમ્બ્રોયડરીથી પણ તમને કમ્ફર્ટેબલ નહીં લાગે. તેથી જ સિઝન આધારિત ફેબ્રિક પસંદ કરો.

seven-tips-to-remember-before-buying-a-designer-bridal-lehenga

કમ્ફર્ટેબલ ફેબ્રિક પસંદ કરો
તમારાં વેડિંગ આઉટફિટ માટે ફેબ્રિક ખૂબ જ મહત્વનું છે, કારણ કે લગ્નના દિવસે સ્ટાઇલિશ દેખાવા ઉપરાંત કમ્ફર્ટેબલ રહેવું ખૂબ જ જરૂરી છે. જો ફેબ્રિકમાં તમે કમ્ફર્ટેબલ નહીં રહો તો તમારું ધ્યાન સતત આઉટફિટમાં જ રહેશે અને તમે લગ્નને એન્જોય નહીં કરી શકો. અગાઉ જણાવ્યું તેમ લહેંગાની એમ્બ્રોયડરી અલગ અલગ પ્રકારની હોય છે તેથી જ એવી ડિઝાઇન પસંદ કરો જે બોડી ટાઇપને અનુરૂપ હોય અને એમ્બ્રોયડરીના કારણે તમને તકલીફ ના થાય.

seven-tips-to-remember-before-buying-a-designer-bridal-lehenga

​ઓવરઓલ ક્લોથિંગ પર ધ્યાન આપો
લહેંગાની ડિઝાઇન ઉપરાંત એક્સેસરીઝ, દુપટ્ટા અને બ્લાઉઝ પણ મહત્વના છે. તેથી જ લહેંગા સિલેક્ટ કરતાં અગાઉ તેની સાથે મેચ થતાં દુપટ્ટાંની ખરીદી જરૂરી છે, આ દુપટ્ટો તમારાં લહેંગાના લૂક સાથે મેચ થતો હોવો જોઇએ. બ્લાઉઝની પેટર્ન, કટ-ટાઇપ ડિઝાઇન પણ તમારાં બ્રાઇડલ લૂકને અલગ દર્શાવવામાં મદદ કરશે. આ સિવાય એક્સેસરીઝમાં બ્રાઇડલ લહેંગાને મેચ થાય અને તે લહેંગાની સુંદરતાને ઢાંકી ના દે તેવી પસંદ કરો.

seven-tips-to-remember-before-buying-a-designer-bridal-lehenga

​અલ્ટરેશન માટે સમય કાઢો
ઘણીવાર બ્રાઇડ અલ્ટરેશન માટે પુરતો સમય આપવાનું ભૂલી જાય છે. બ્લાઉઝની ડિઝાઇનથી લઇને લહેંગાનું ફિટિંગ છેલ્લી ઘડીએ દોડાદોડી કરાવી મુકે તેના બદલે જ્યાં પણ લહેંગાની શોપિંગ કરો ત્યાં ટ્રાયલ ચોક્કસથી લો. ઉપરાંત ટ્રાયલ બાદ પણ અલ્ટરેશન અને ફિટિંગ માટે પુરતો સમય તમારી પાસે રહેવો જોઇએ. કારણ કે, ઘણીવાર ફિટિંગ બાદ પણ આઉટફિટમાં કોઇને કોઇ ખામી રહી જ જાય છે. તેથી જ શોપિંગ બાદ અલ્ટરેશન માટે તમારી પાસે ઓછામાં ઓછા 10થી 15 દિવસ હોવા જોઇએ.

Related posts

ગરમીમાં સ્ટાઇલીશ દેખાવા અને પરસેવાથી બચવા ફોલો કરો આ ટિપ્સ

Mukhya Samachar

ટ્રેન્ડમાં આવી રહી છે આ ટચૂકડી બેગ! જાણો શું છે આ બેગ?

Mukhya Samachar

શું છે વીગન લેધર જાણો તેની સમગ્ર માહિતી

Mukhya Samachar

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy