-
બહાર આવીને હિન્દુ પક્ષે અંદર ભોળાનાથ મળ્યા છે એમ કહ્યું
-
મંગળવારે કોર્ટમાં રિપોર્ટ સોંપાશે
-
તપાસની આજુબાજુના વિસ્તારની સુરક્ષા વધારી દેવામાં આવી છે.
જ્ઞાનવાપી મસ્જીદ મુદ્દે મોટા સમાચાર સામે આવ્યા છે. સરવે ટીમને પરિસરની અંદર શિવલિંગ મળી આવ્યું છે. આ વાત સામે આવ્યા બાદ વારાણસી કોર્ટે ડીએમને જ્યાંથી શિવલિંગ મળી આવ્યું છે તે જગ્યાને તાત્કાલિક સીલ કરવાનો આદેશ આપ્યો છે. કોર્ટે આ અધિકારીઓને સ્થાનોની જાળવણી અને સુરક્ષાની વ્યક્તિગત જવાબદારી સોંપી છે. કહેવામાં આવી રહ્યું છે કે ટીમે ત્યાં શિવલિંગ જોયું. સરવે ટીમમાં સામેલ હિન્દુ પક્ષના વકીલે તરત વારાણસી કોર્ટમાં અરજી કરી. જેમાં કોર્ટને કહેવામાં આવ્યું હતું કે શિવલિંગ ત્યાંથી મળી આવ્યું છે. આ ખૂબ જ મહત્વપૂર્ણ પુરાવા છે. CRPF કમાન્ડન્ટને જગ્યા સીલ કરવાનો આદેશ આપવાની માંગ કરવામાં આવી હતી. વરિષ્ઠ ડિવિઝનનાં જજે ડીએમને તાત્કાલિક સ્થળ સીલ કરવાનો આદેશ આપ્યો છે. બીજી તરફ, સરવેથી સંતુષ્ટ મુસ્લિમ પક્ષે હિન્દુ પક્ષના દાવાઓને ફગાવી દીધા હતા. વકીલે કહ્યું હતું કે આવું કંઈ મળ્યું નથી. અમે સરવેથી સંતુષ્ટ છીએ. આવતીકાલે એટલે કે 17 મેના રોજ કોર્ટમાં રિપોર્ટ રજૂ કરવામાં આવશે. જણાવી દઈએ કે એડવોકેટ કમિશનરની આગેવાનીમાં વાદી-પ્રતિવાદી પક્ષમાંથી 52 લોકોની ટીમ સવારે 8 વાગ્યે પરિસરમાં દાખલ થઈ હતી.
લગભગ 10:30 વાગ્યે સર્વે સમાપ્ત થયો.હિંદુ પક્ષના વકીલે જણાવ્યું હતું કે નંદી જેમની રાહ જોઈ રહ્યા હતા એ શિવલિંગ મળી ગયું છે. ઈતિહાસકારોએ જે લખ્યું એ સાચું હતું. બાબાને મળતાં જ અંદર હર હર મહાદેવનો ઉદ્ઘોષ થયો. ડીએમએ કહ્યું હતું કે જો કોઈએ સરવે વિશે કંઈપણ કહ્યું અથવા દાવો કર્યો છે, તો તે તેમનો વ્યક્તિગત અભિપ્રાય હોઈ શકે છે. કોર્ટ કમિશનર દ્વારા રિપોર્ટ રજૂ કર્યા બાદ કોર્ટ દ્વારા જ કોઈપણ બાબત જણાવવામાં આવશે. કોઈના અંગત અભિપ્રાય કે અભિપ્રાય પર કોઈએ ધ્યાન આપવાની જરૂર નથી.17 મે મંગળવારે સરવેનો રિપોર્ટ વારાણસી કોર્ટમાં સોંપવામાં આવશે. અત્યારસુધી સરવેમાં જેકંઈ પણ મળ્યું છે, એડવોકેટ કમિશનર તેનો રિપોર્ટ બનાવશે. સરવેમાં જે પણ વીડિયોગ્રાફી-ફોટોગ્રાફી થઈ છે એની ચિપ પરિસરની બહાર નીકળતાં પહેલાં જ ઓફિસરોને સૌંપી દેવામાં આવતી હતી, જેથી કરીને તેના લીક થવાની સંભાવના ન થાય. જ્ઞાનવાપી વિવાદ મામલે આજે ઈલાહાબાદ હાઈકોર્ટમાં સુનાવણી થઈ. એક વિવાદ સાથે જોડાયેલી 3-3 અરજી સામેલ છે. 6 અરજી પર સુનાવણી થશે.
