Mukhya Samachar
National

સિદ્ધુએ સુપ્રીમ કોર્ટ પાસે આવું કારણ ધરી સરેન્ડર માટે માંગ્યો સમય

Sidhu asked the Supreme Court for time to surrender on such grounds

નવજોત સિંહ સિદ્ધુ પટિયાલાની કોર્ટમાં પોતાની જાતને સરેન્ડર કરવાના હતાં. પરંતુ તેઓએ સ્વાસ્થ્યનું કારણ આપીને સુપ્રીમ કોર્ટ પાસે સરેન્ડર કરવા સમય માંગ્યો.

  • નવજોત સિંહ સિદ્ધુએ સુપ્રીમ કોર્ટ પાસે સરેન્ડર કરવા સમય માંગ્યો
  • સિદ્ધુ આજે પટિયાલાની કોર્ટમાં પોતાની જાતને સરેન્ડર કરવાના હતાં
  • 1988ના ‘રોડ રેજ’ કેસમાં સુપ્રીમ કોર્ટે એક વર્ષની જેલની સજા ફટકારી છે

પંજાબ કોંગ્રેસના પૂર્વ અધ્યક્ષ નવજોત સિંહ સિદ્ધુને 1988ના ‘રોડ રેજ’ કેસમાં સુપ્રીમ કોર્ટે એક વર્ષની જેલની સજા ફટકારી છે. ત્યારે સિદ્ધુ આજે પટિયાલાની કોર્ટમાં પોતાની જાતને સરેન્ડર કરવાના હતાં. પરંતુ તેઓએ સ્વાસ્થ્યનું કારણ આપીને સુપ્રીમ કોર્ટ પાસે સરેન્ડર કરવા સમય માંગ્યો છે. અત્રે નોંધનીય છે કે, પટિયાલા જિલ્લા કોંગ્રેસ સમિતિના પ્રમુખ નરિન્દર પાલ લાલીએ પાર્ટી સમર્થકોને એક મેસેજમાં કહ્યું હતું કે, સિદ્ધુ સવારે કોર્ટ પહોંચશે. તેમણે પક્ષના સમર્થકોને પણ કોર્ટ પરિસરમાં પહોંચવા વિનંતી કરી હતી. સુપ્રીમ કોર્ટના નિર્ણય બાદ સિદ્ધુની પત્ની નવજોત કૌર પણ ગુરુવારે રાત્રે લગભગ 9:45 વાગ્યે અમૃતસરથી પટિયાલા પહોંચી હતી.

Sidhu asked the Supreme Court for time to surrender on such grounds

27 ડિસેમ્બર 1988ની સાંજે સિદ્ધુ પોતાના મિત્ર રુપિન્દર સિંહ સંધૂ સાથે પટિયાલાના શેરાવાલે ગેટના બજારમાં પહોંચ્યા હતાં. આ જગ્યા તેઓના ઘરથી માત્ર 1.5 કિમી જ દૂર છે. તે સમયે સિદ્ધુ ક્રિકેટર હતા. એ વખતે એ જ માર્કેટમાં કાર પાર્કિંગને લઈને 65 વર્ષીય ગુરનામ સિંહ સાથે તેઓની દલીલ થઈ હતી. આ મામલો મારામારી સુધી પહોંચ્યો હતો. સિદ્ધુએ ગુરનામ સિંહને ઘૂંટણિયે પછાડ્યા હતા. ત્યાર બાદ ગુરનામ સિંહને હોસ્પિટલમાં લઈ જવામાં આવ્યા જ્યાં તેઓનું મૃત્યુ થયું હતું. જો કે, એવાં અહેવાલો પણ સામે આવ્યા હતા કે ગુરુનામ સિંહનું મૃત્યુ હાર્ટએટેકથી થયું હતું.

એ સમયે સિદ્ધુ અને તેમના મિત્ર બંને પર કેસ થયો હતો. આ કેસ સેશન્સ કોર્ટમાં ચાલ્યો હતો. 1999માં સેશન્સ કોર્ટે આ કેસ ફગાવ્યો. બાદમાં 2002માં પંજાબ સરકારે સિદ્ધુ વિરુદ્ધ હાઈકોર્ટમાં અપીલ કરી. એ દરમિયાન સિદ્ધુ રાજકારણમાં આવ્યા અને ડિસેમ્બર 2006માં હાઈકોર્ટનો ચુકાદો આવ્યો.

Sidhu asked the Supreme Court for time to surrender on such grounds

હાઈકોર્ટે સિદ્ધુ અને સંધૂને દોષિત ઠેરવતા 3-3 વર્ષની કેદની સજા ફટકારી હતી. સાથે એક હજાર રૂપિયાનો દંડ પણ ફટકાર્યો હતો. સિદ્ધુ તે સમયે 2004ની લોકસભા ચૂંટણી ભાજપની ટિકિટ પરથી જીત્યા હતા. આ ચુકાદા બાદ તેઓએ લોકસભામાંથી રાજીનામું આપ્યું હતું. પરંતુ તેઓએ હાઈકોર્ટના ચુકાદાને સુપ્રીમ કોર્ટમાં પડકાર્યો હતો. આથી સિદ્ધુ તરફથી દિવંગત નેતા અરુણ જેટલીએ કેસ લડ્યો હતો અને સુપ્રીમે હાઈકોર્ટના ચુકાદા પર રોક લગાવી દીધી હતી. પરંતુ પીડિત પરિવારે સુપ્રીમમાં રિવ્યૂ પિટીશન દાખલ કરી અને હવે સુપ્રીમ કોર્ટે આ કેસમાં પોતાનો ચુકાદો બદલતા સિદ્ધુને એક વર્ષની સજા ફટકારી છે.

આ કેસમાં સુપ્રીમ કોર્ટે સિદ્ધુને પહેલાં માત્ર એક હજાર રૂપિયાનો દંડ ફટકારીને છોડી દીધા હતાં. તેની વિરૂદ્ધ પીડિત પરિવારે પુનર્વિચાર અરજી દાખલ કરી હતી. જેને સુપ્રીમ કોર્ટે સ્વીકાર કરી લીધી અને પછી સિદ્ધુને એક વર્ષની કઠોર કેદની સજા સંભળાવી.

Related posts

કોરોનાની જેટ ગતી ચિંતાનો વિષય; છેલ્લા 24 કલાકમાં 41 ટકાના વધારા સાથે 5337 કોરોના કેસ નોંધાયા

Mukhya Samachar

રેલવેના પરિણામમાં કૌભાંડ સામે આવતા વિદ્યાર્થીઓ હિંસક બન્યા

Mukhya Samachar

કેરળ હાઈકોર્ટે આપ્યો એક મોટો ચુકાદો! ગર્ભપાત કરાવવા પતિની મંજૂરી લેવાની જરૂર નથી

Mukhya Samachar

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy