Mukhya Samachar
Gujarat

અમદાવાદથી સુરત ટ્રેનમાં જતાં અસદુદ્દીન ઓવૈસી પર પથ્થર ફેકાયા

Stones were thrown at Asaduddin Owaisi while traveling by train from Ahmedabad to Surat

હાલ રાજ્યમાં ચૂંટણીનો માહોલ છવાયો છે. તમામ રાજકારણ પક્ષનાં દિગ્ગજ નેતાઓ ગુજરાતની મુલાકાતે આવી રહ્યા છે. ત્યારે AIMIMનાં અસદુદ્દીન ઓવૈસી પણ વિધાનસભા ચૂંટણી માટે ગુજરાતના પ્રવાસે છે. આ દરમિયાન ઓવૈસી અને તેમના સાથીદારો અમદાવાદથી સુરત જે ટ્રેનમાં જઈ રહ્યા હતા તે ટ્રેન પર પથ્થરમારો કરવામાં આવ્યો છે. આ દાવો AIMIM નેતા વારિસ પઠાણે સોશિયલ મીડિયામાં તસવીરો શેર કરીને કર્યો છે. નોંધનીય છે કે, સુરત આવવાનાં 20થી 25 કિલોમીટર પહેલા જ આ પથ્થર ફેંકાયો હતો.

AIMIMના પ્રવક્તા વારિસ પઠાણે આ અંગેની જાણ કરતા જણાવ્યુ કે, આજે સાંજે જ્યારે અમે અસદુદ્દીન ઓવૈસી અને AIMIMની ટીમ અમદાવાદથી સુરત માટે વંદે ભારત એક્સપ્રેસ ટ્રેનમાં જઇ રહ્યા હતા. આ દરમિયાન કેટલાક અજાણ્યા લોકોએ જોરથી પથ્થર મારીને ટ્રેનની બારીનો કાંચ તોડી નાંખ્યો હતો. તેમણે ટ્વિટ કરીને આ અંગે માહિતી સાથે તસવીરો પણ શેર કરી છે.

Stones were thrown at Asaduddin Owaisi while traveling by train from Ahmedabad to Surat

નોંધનીય છે કે, AIMIM આ પહેલા પણ કૌશિકા પરમારને ઉમેદવાર બનાવવાને કારણે ચર્ચામાં આવી હતી. દાણીલીમડા બેઠક કોંગ્રેસનો ગઢ રહી છે. વિધાનસભાની 2012 અને 2017ની બે ચૂંટણીમાં કોંગ્રેસના શૈલેષ પરમાર જીત્યા છે. જોકે આ વખતે તેમને ભાજપ અને AAP ઉપરાંત AIMIMના ઉમેદવાર કૌશિકા પરમારનો પણ તેમને સામનો કરવો પડશે. દાણીલીમડાની બેઠકની ચૂંટણી રસપ્રદ બની રહશે. કારણ કે, આ વખતે એઆઈએમઆઈએમ દ્વારા મહિલા ઉમેદવાર કૌશિકા પરમારને ચૂંટણી ઉમેદવાર તરીકે ઉભા રાખવામાં આવ્યા છે.

અસદુદ્દીન ઓવૈસીની પાર્ટી AIMIM પણ ગુજરાતની 182 વિધાનસભા બેઠકોમાંથી 40 થી વધુ બેઠકો પર ચૂંટણી લડવાની તૈયારી કરી રહી છે. આ માટે પાર્ટીએ અમદાવાદની ત્રણ અને સુરતની બે બેઠકો પર ઉમેદવારો ઉભા રાખ્યા છે. આ પહેલા તેમની પાર્ટી તરફથી જણાવવામાં આવ્યું હતુ કે, AIMIM અમદાવાદ શહેરમાંથી 5 બેઠક પરથી ચૂંટણી લડશે.

Stones were thrown at Asaduddin Owaisi while traveling by train from Ahmedabad to Surat

પાર્ટીના પ્રદેશ પ્રમુખ સાબીર કાબલીવાલાના જણાવ્યા અનુસાર, ઔવેસીની પાર્ટી ગુજરાતમાં 65 બેઠક પર ચૂંટણી લડાશે.અમદાવાદમાં પાંચ સીટ પર ઉમેદવાર ઉભા કરવાનું નક્કી કર્યું છે. જેમાં જમાલપુર, ખાડીયા, બાપુનગર, દરીયાપુર, વેજલપુર, દાણીલીમડાનો સમાવેશ થાય છે. ગુજરાતમાં અમે 65 જગ્યાએથી ઉમેદવાર ઉભા કરીશું. આગામી સમયમાં ઉમેદવારો નક્કી કરવામાં આવશે.

 

Related posts

’20 દિવસમાં 150થી વધુ બેઠકો’, ગુજરાત ચૂંટણીમાં ભાજપના નેતાઓએ લગાવી દીધી પુરી તાકાત

Mukhya Samachar

ગુજરાતમાં કોંગ્રેસે ચૂંટણીનું બ્યુંગલ ફૂક્યું! પાર્ટીએ પ્રથમ 43 ઉમેદવારોની યાદી કરી જાહેર

Mukhya Samachar

અતિભારે વરસાદને પગલે આ 2.42 લાખ હેક્ટર પાકનું થયું ધોવાણ! ટૂંક સમયમાં સહાયની થશે જાહેરાત

mukhyasamachar

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy