નેશનલ ઈન્વેસ્ટિગેશન એજન્સી (NIA) એ પોપ્યુલર ફ્રન્ટ ઓફ ઈન્ડિયા (PFI) વિરુદ્ધ આ મહિને દાખલ કરી તેની પાંચમી ચાર્જશીટ. એજન્સીએ રાષ્ટ્રીય કાર્યકારી સમિતિ (NEC)ના 12 સભ્યો, સંસ્થાપક સભ્યો અને પ્રતિબંધિત સંગઠનના વરિષ્ઠ નેતાઓ સહિત 19 લોકો સામે ચાર્જશીટ દાખલ કરી છે. NIAએ એક સંગઠન તરીકે દેશને અસ્થિર કરવાના હેતુથી કથિત ‘ગુનાહિત કાવતરું’ સંબંધિત કેસમાં ચાર્જશીટ દાખલ કરી છે.
NIAએ કહ્યું કે તેણે PFIના 37 બેંક ખાતાઓ એટેચ કર્યા છે. આ સિવાય PFI સાથે જોડાયેલા 19 લોકોના 40 બેંક ખાતા પણ જપ્ત કરવામાં આવ્યા છે. આનાથી સંસ્થાની ભંડોળની પ્રવૃત્તિઓ બંધ થઈ ગઈ છે. જેમાં ગુવાહાટી (આસામ), સુંદીપુર (પશ્ચિમ બંગાળ), ઈમ્ફાલ (મણિપુર), કોઝિકોડ (કેરળ), ચેન્નાઈ (તામિલનાડુ), નવી દિલ્હી, જયપુર (રાજસ્થાન), બેંગલુરુ (કર્ણાટક), હૈદરાબાદ (તેલંગાણા) અને કુર્નૂલ (આંધ્રપ્રદેશ)નો સમાવેશ થાય છે. ) દેશભરમાં આ બેંક ખાતાઓ પર કાર્યવાહી કરવામાં આવી હતી.
