રોમાંચક એન્ડ: રાશીદ્દ ખાને છેલ્લા બોલમાં સિક્સ મારી ગુજરાતને અપાવી જીત!

• રાશીદ્દ ખાને ગુજરાતને આપવી જીત

• ગુજરાત ટાઈટન્સનો રોમાંચક વિજય

• રિદ્ધિમાન સાહે હૈદરાબાદ સામે વિસ્ફોટક બેટિંગ કરી હતી

ઈન્ડિયન પ્રિમીયર લીગમાં આજે ગુજરાત ટાઈટન્સ અને સનરાઈઝર્સ હૈદારાબાદ વચ્ચે મેચ રમાઈ હતી જેમાં ટાઈટન્સ ટોસ જીતીને બોલિંગ કરવાનો નિર્ણય લીધો હતો. હૈદારાબાદ પ્રથમ બેટિંગ કરતા 20 ઓવરમાં 195 રન બનાવ્યા હતા જેના જવાબમાં ગુજરાત ટાઈટન્સની ટીમ આખરી બોલે છગ્ગો ફટકારીને રોમાંચક વિજય મેળવ્યો હતો.

196 રનનો તોતિંગ ટાર્ગેટ ચેઝ કરવા ઉતરેલી ગુજરાત ટીમ ઉમરાન મલિક સામે ફ્લોપ રહી હતી. જોકે બાદમાં રાહુલ તેવટિયા અને રાશિદ ખાને આક્રમક બેટિંગ કરતા ટીમને વિજય અપાવ્યો હતો.લાંબા સમયથી ખરાબ ફોર્મમાં રહેલા રિદ્ધિમાન સાહે હૈદરાબાદ સામે વિસ્ફોટક બેટિંગ કરી હતી. તેણે IPLમાં તેની 9મી ફિફ્ટી ફટકારી રનચેઝમાં મહત્ત્વપૂર્ણ યોગદાન આપ્યું હતું. સાહાએ આ ઈનિંગ દરમિયાન 38 બોલમાં 68 રનની ઈનિંગ રમી હતી, જેમાં તેણે 11 ચોગ્ગા અને 1 છગ્ગો ફટકાર્યો હતો.