Author: Mukhya Samachar

આગામી વર્ષે ભારતમાં યોજાનારા આઇસીસી વન-ડે વર્લ્ડકપ માંથી બહાર રહેવાની પાકિસ્તાનની ધમકીનો સ્પોર્ટ્સ મિનીસ્ટર અનુરાગ ઠાકુરે જવાબ આપતાં કહ્યું છે કે, ભારતીય ક્રિકેટ કન્ટ્રોલ બોર્ડ તેનો જવાબ આપશે અને વન-ડે વર્લ્ડકપ 2023નું આયોજન ભારતમાં જ થશે. બીસીસીઆઈના સેક્રેટરી જય શાહે એશિયા કપને પાકિસ્તાનથી અન્ય જગ્યાએ યોજવા અંગે કરેલી કોમેન્ટ બાદ પાકિસ્તાન ક્રિકેટ બોર્ડે (PCB) વન-ડે વર્લ્ડકપમાંથી ખસી જવાની ધમકી આપી હતી. બીસીસીઆઇની બેઠક બાદ સેક્રેટરી જય શાહે એશિયા કપને તટસ્થ સ્થળે યોજવા અંગે કોમેન્ટ કરી હતી. કેન્દ્રીય રમત મંત્રી અનુરાગ ઠાકુરે કહ્યું કે, “પીસીબીના બ્લેકમેલ લેટરનો જવાબ બીસીસીઆઇ આપશે. આઈસીસી વન ડે વર્લ્ડ કપ ભારતમાં જ યોજાશે. તે બીસીસીઆઈનો વિષય…

સુપ્રીમ કોર્ટે દિલ્હી અને અન્ય રાજ્યોમાં ફટાકડા પરનો પ્રતિબંધ હટાવવાની માંગ કરતી અરજી પર વહેલી સુનાવણી કરવાનો ઇનકાર કર્યો છે. સુપ્રીમ કોર્ટે કહ્યું કે, લોકોને શ્વાસ લેવા દો, ઉજવણી કરવાની અન્ય રીતો છે. મીઠાઈઓ પાછળ પૈસા ખર્ચો. આ પહેલા દિલ્હી હાઈકોર્ટે ફટાકડા કંપનીની અરજી પર સુનાવણી કરવાનો ઈન્કાર કરી દીધો હતો. મહત્વનું છે કે, ગુજરાતના કેટલાક જિલ્લાઓમાં પણ જાહેરનામું બહાર પડી ફટાકડા ફોડવાની સમય મર્યાદા નક્કી કરવામાં આવી છે. હકીકતમાં તહેવારોની સિઝનને ધ્યાનમાં રાખીને દિલ્હી સરકારે રાજધાનીમાં તમામ પ્રકારના ફટાકડા પર સંપૂર્ણ પ્રતિબંધ મૂક્યો છે. એટલું જ નહીં દિલ્હીમાં ફટાકડા ફોડવા પર દંડ પણ ભરવો પડશે. જો કોઈ પણ વ્યક્તિ…

લાંબા સમયથી વિવિધ 12 કેડરના ઉમેદવારો નિમણૂંક પત્રોની આતુરતાથી રાહ જોઈ રહ્યા છે. તેમની આતુરતાનો હવે અંત આવ્યો છે. પંચાયત, ગ્રામ ગૃહ નિર્માણ અને ગ્રામ વિકાસ વિભાગ દ્વારા એક પરિપત્ર જાહેર કરવામાં આવ્યો છે. જે મુજબ હવે નિમણૂંક પત્રોની રાહ જોઈ રહેલા ઉમેદવારોને 29 ઓક્ટોબરના રોજ સવારે 11 કલાકે મુખ્યમંત્રી ભૂપેન્દ્ર પટેલના વરદહસ્તે નિમણૂંક પત્રો આપવામાં આવશે. આ દરમિયાન પંચાયત મંત્રી બ્રિજેશ મેરજા પણ હાજર રહેશે. પંચાયત, ગ્રામ ગૃહ નિર્માણ અને ગ્રામ વિકાસ વિકાસ હસ્તકના ગુજરાત પંચાયત સેવા પસંદગી બોર્ડ દ્વારા પંચાયત સેવા, વર્ગ – 3ની જુદા-જુદા સંવર્ગોની નિયત ભરતી પ્રક્રિયાથી નિમણૂંક મેળવનાર ઉમેદવારોને આગામી 29 ઓક્ટોબરના રોજ આપવામાં આવશે.…

દિવાળીનો તહેવાર જેમ જેમ નજીક આવી રહ્યો છે, સરકાર તરફથી જનતાને મોટી મોટી લ્હાણી ચાલુ થઈ ગઈ છે. પહેલા મોંઘવારી ભથ્થું, બાદમાં બોનસ અને હવે ગ્રાહકોને સસ્તુ ભોજન આપવાની તૈયારીમાં છે. મોંઘવારીથી ત્રસ્ત જનતાને તહેવારમાં રાહત આપવા માટે સરકારે સસ્તા ભાવે દાળ અને ડુંગળી આપવાની ઘોષણા કરી છે. ગ્રાહક બાબતોના મંત્રાલયે ગુરુવારે જણાવ્યું હતું કે, દિવાળી પર ખાવા-પીવાના સામાન પર કંટ્રોલ કરવા માટેના પ્રયત્નો ચાલી રહ્યા છે. સરકારે મોટી એક્શન લેતા રાજ્યોને અત્યંત નજીવા ભાવે દાળ આપવાની ઘોષણા કરી છે. મંત્રાલયે જણાવ્યું છે કે, કેન્દ્ર સરકારે દાળની કિંમતમાં 8 રૂપિયાનો કાપ મુક્યો છે અને આ ભાવે રાજ્યોને દાળ આપવામાં આવશે.…

ગુજરાત વિધાનસભાની ચૂંટણીમાં આ વખતે ત્રિપાંખિયો જંગ જોવા મળશે. કારણ કે આ વખતે ચૂંટણીમાં પરચમ લહેરાવવા ભાજપ-કોંગ્રેસ સહિત AAPએ પણ તડામાર તૈયારીઓ શરૂ કરી દીધી છે. ગુજરાતમાં જીત હાંસલ કરવા આપના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલ, ડે.સીએમ મનીષ સિસોદિયા સહિત દિગ્ગજોના ગુજરાતમાં આંટાફેરા વધી ગયા છે. એવામાં આમ આદમી પાર્ટી ઉમેદવારોની પણ એકબાદ એક યાદી જાહેર કરી રહી છે. ત્યારે આજે વધુ 20 બેઠકો પરના ઉમેદવારોના નામ AAPએ જાહેર કર્યા છે. આ લિસ્ટમાં તમને જણાવી દઇએ કે, CM ભૂપેન્દ્ર પટેલની ઘાટલોડિયા બેઠક પરથી AAPએ ઉમેદવાર તરીકે વિજય પટેલનું નામ જાહેર કર્યું છે. ચોથી યાદીમાં 12 ઉમેદવારોના નામની કરી…

વિશ્વભરમાં વધી રહેલા તણાવની વચ્ચે અમેરિકાએ અરબ સાગરમાં ગુજરાત અને પાકિસ્તાનની જળસીમાની નજીક પોતાની મહાવિનાશક પરમાણુ સબમરીનને તૈનાત કરી છે. એટલું જ નહીં, અમેરિકાએ પરમાણુ બોમ્બથી સજ્જ મિસાઈલોને લઈ જવામાં સક્ષમ સબમરીન ‘યુએસએસ વેસ્ટ વર્જિનિયા’ને તૈનાત કરવાના સમાચારનું સાર્વજનિક રીતે એલાન પણ કર્યું છે. વિશ્લેષકોના મતે અમેરિકાનું આ એલાન પોતાનામાં ખૂબ જ દુર્લભ મામલો છે. અમેરિકા સામાન્ય રીતે પેટ્રોલિંગ દરમિયાન તેની પરમાણુ સબમરીનનું સ્થાન ક્યારેય જાહેર કરતું નથી. આ કારણોસર તેને ખૂબ જ અસામાન્ય ઘટના માનવામાં આવી રહી છે. અમેરિકાના સેન્ટ્રલ કમાન્ડે કહ્યું કે, આ ‘યુએસએસ વેસ્ટ વર્જિનિયા’ પરમાણુ સબમરીન ઓહિયો ક્લાસની છે. ચાલો જાણીએ કે અમેરિકાના નિશાન પર ક્યાં…

સુરતમાં સવારે ભૂકંપનો આંચકો અનુભવાતા લોકોમાં ફફડાટ ફેલાયો છે. ભૂકંપનું કેન્દ્રબિંદુ સુરતથી 61 કિમી દૂર જણાવવામાં આવી રહ્યું છે. રિક્ટર સ્કેલ પર ભૂકંપની તીવ્રતા 3.5ની નોંધાઈ છે. જો કે, હજુ સુધી કોઈપણ પ્રકારના નુકસાનના સમાચાર સામે આવ્યા નથી. નેશનલ સેન્ટર ફોર સિસ્મોલોજીના જણાવ્યા અનુસાર, ‘દક્ષિણ ગુજરાતમાં સવારે લગભગ 10:26 વાગ્યે ભૂકંપના આંચકા અનુભવાયા હતા. આ ભૂકંપની તીવ્રતા રિક્ટર સ્કેલ પર 3.5 માપવામાં આવી છે.’ દક્ષિણ પૂર્વ સુરતથી 60 કિલોમીટર દૂર અને જમીનથી 7 કિલોમીટર અંદર ભૂકંપનું કેન્દ્રબિંદુ હોવાનું સિસ્મોલોજી વિભાગ તરફથી જાણવા મળ્યું છે. આપને જણાવી દઈએ કે, કચ્છમાં બુધવારે મોડી રાત્રે ભૂકંપનો આંચકો અનુભવાયો હતો. રિકટેર સ્કેલ પર ભૂકંપના…

મધ્યપ્રદેશના મોરેના જિલ્લાના બાનમોર નગરના જેતપુર રોડ પર સવારે લગભગ 11.15 વાગ્યે એક મકાનમાં અચાનક વિસ્ફોટ થયો અને વિસ્ફોટ સાથે ઘર ધરાશાયી થઈ ગયું. વિસ્ફોટ અને મકાન ધરાશાયી થવામાં એક વ્યક્તિનું મોત થયું છે અને લગભગ અડધો ડઝન લોકો કાટમાળ નીચે ફસાયા હોવાની આશંકા છે. મોરેના. બાનમોર નગરના જેતપુર રોડ પર આવેલા એક મકાનમાં રાત્રે લગભગ 11.15 વાગ્યે અચાનક વિસ્ફોટ થયો અને વિસ્ફોટ સાથે ઘર ધરાશાયી થઈ ગયું. વિસ્ફોટ અને મકાન ધરાશાયી થવામાં એક વ્યક્તિનું મોત થયું છે. અને લગભગ અડધો ડઝન લોકો કાટમાળ નીચે ફસાયા હોવાની આશંકા છે. એવું કહેવાય છે કે વિસ્ફોટ ફટાકડાના કારણે થયો હતો. જોકે, પોલીસ…

વડાપ્રધાન મોદી બે દિવસથી ગુજરાતની મુલાકાતે છે. ત્યારે ગઇકાલે PM મોદીએ ગાંધીનગરના ડિફેન્સ એક્સપો કાર્યક્રમમાં હાજરી આપી હતી. તદુપરાંત રાજકોટ અને જૂનાગઢમાં અનેક વિકાસકાર્યોનું લોકાર્પણ કર્યું હતું. ત્યારે આજે PM મોદીએ કેવડીયા ખાતે મિશન લાઈફનું લોન્ચિંગ કર્યું છે. આ સિવાય PM મોદી કેવડિયામાં 10મી હેડ ઓફ મિશન કોન્ફરન્સમાં પણ ભાગ લેશે. જ્યારે તાપીના વ્યારામાં પણ PM મોદી વિવિધ વિકાસલક્ષી કાર્યોનો શિલાન્યાસ કરશે. • PM મોદીએ ગ્લાસ્ગો ખાતે LiFEની વિભાવના રજૂ કરાઇ હતી • વ્યક્તિ,સંસ્થાને LiFE ને એક આંતરરાષ્ટ્રીય જન આંદોલન ગણવા હાંકલ કરી • LiFEનો હેતુ પૃથ્વી સાથે એકરૂપતા સાધે તેવી જીવનશૈલી જીવવવાનો • જે આવી જીવનશૈલી જીવે છે તેમને…

સોના-ચાંદીની કિંમતમાં વૈશ્વિક બજારમાં છેલ્લા કેટલાક સમયથી દબાણ વચ્ચે ભારતમાં સ્થાનિક બજારમાં તહેવારોની માગના કારણે સોના ચાંદીની માગ વધી રહી છે પરંતુ બજારમાં ભાવમાં સતત ઘટાડો જોવા મળી રહ્યો છે. દિવાળીના તહેવારો આવી ગયા છે અને સાથે સોનું પણ ઘટીને 50 હજાર આસપાસ આવી ગયું છે. તો બીજી તરફ ચાંદીના ભાવમાં પણ ફરી 56 હજાર આસપાસ આવી ગયા છે. આજે સવારે 10.45 વાગ્યે મલ્ટી કોમોડિટી એક્સચેન્જ (MCX) પર સોનું 0.23 ટકા ઉછળીને 50,324 રૂપિયા પ્રતિ 10 ગ્રામ અને ચાંદી 0.48 ટકા વધીને 56,281 રૂપિયા પ્રતિ કિલોગ્રામ પર ટ્રેડ થઈ રહ્યું છે. વૈશ્વિક દબાણને પગલે સોનાનો ચળકાટ ફિક્કો પડ્યો છે. જોકે…